اسلام آباد: نئی حکومت کو معاشی طور پر سہارا دینے اور پاکستان کے غیر ملکی زرمبادلہ کی موجودہ صورتحال میں بہتر کرنے کیلیے چین پاکستان کو فوری طور پر 2 بلین ڈالر قرض دینے پر آمادہ ہوگیا ہے۔
وزارت خزانہ اور اسٹیٹ بینک کے ذرائع کے مطابق مذکورہ قرض میں سے ایک بلین ڈالر پہلے ہی قومی خزانے میں آچکے ہیں۔ اسٹیٹ بینک ذرائع کے مطابق اس وقت غیر ملکی زرمبادلہ کے ذخائر کا حجم 10بلین ڈالر سے تجاوز کرچکا ہے۔
اسٹیٹ بینک کے مرکزی ترجمان نے اس سوال کا جواب نہیں دیا کہ کیا چین کی جانب سے دیے جانے والے 2بلین ڈالر قرض میں سے ایک بلین ڈالر پاکستان کو مل گئے ہیں۔
The post چین پاکستان کو فوری طور پر 2 بلین ڈالر قرض دینے پر آمادہ appeared first on ایکسپریس اردو.
from ایکسپریس اردو » بزنس https://ift.tt/2K1TzaT
