اسلام آباد: عوامی مسلم لیگ کے سربراہ شیخ رشید احمد کا کہنا ہے کہ چوہدری نثار کے خلاف پیپلز پارٹی کے علاوہ کسی نے امیدوار کھڑا نہیں کیا تاہم وہ آزاد حیثیت سے الیکشن جیتیں گے۔
اسلام آباد میں میڈیا سے گفتگو میں عوامی مسلم لیگ کے سربراہ شیخ رشید احمد کا کہنا تھا کہ 2018 کے الیکشن میں انشاء اللہ قلم دوات اور بلا جیتے گا، حالات جیسے بھی ہوں ہمیں الیکشن کی جانب بڑھنا چاہیے، ہمارا مقابلہ ڈرگ ڈیلر کے ساتھ ہے جب کہ ایفی ڈرین کیس کا فیصلہ بھی جلد آنے والا ہے۔
شیخ رشید نے کہا کہ ہماری وجہ سے لیگی دھڑوں میں صلح ہوئی، انتخابی مہم جاری ہے اور آخری 10 دن سائیکل پر انتخابی مہم چلاؤں گا۔ چوہدری نثار کے حوالے سے ان کا کہنا تھا کہ چوہدری نثار کے خلاف پیپلز پارٹی کے علاوہ کسی نے امیدوار کھڑا نہیں کیا، چوہدری نثار آزاد حیثیت سے الیکشن جیتیں گے۔
The post چوہدری نثار آزاد حیثیت سے الیکشن جیتیں گے، شیخ رشید appeared first on ایکسپریس اردو.
from ایکسپریس اردو » پاکستان https://ift.tt/2tmyv9A
